讓孩子選擇靜心的時間

你日日都刷牙，有冇試過有一日起床唔想去刷？
你日日都習慣點凍檸茶少甜，有冇試過見人地杯青檸水都想試下？
明明係習慣，一直都做，都會有唔想做的時刻？

睡前OM是我們一家四口的「習慣」，但習慣還習慣，都會有做唔成的日子﹗
OM幾耐，點OM，邊個OM，OM定OR，全部都好睇「天時、地利、人和」

天時地利唔特別講大家都明，人呢，跟天時地利一樣都係會 #變化 的﹗
我們都算好 「熟練」做這個練習（就算三歲的妹妹都一見到我地盤膝佢就會識埋位架啦），有時都會「唔願做」或「HEA做」。家姐五歲更可以明言「唔俾（你）做﹗」同「亂咁OM」～～

跟幼兒靜心就是這麼人本/ 兒童為本 （Child-centered) , 人有不同的狀況，特別是當孩子知道自己有情緒時，有時更會抗拒去做靜心（ 因此，我們強烈提醒各位 #新手家長 考慮開頭不要在孩子發脾氣時引入靜心 ，詳情可參考《陪孩子學靜心》55頁）就算是習慣了的，也可以唔想習慣或想試下其他野～～

我們兩夫妻在這個時候的默契是：
一、告訴孩子，我們想OM的意願：「你可以選擇今日唔做住呀，但我想做，咁我自己做，你喜歡也可以加入﹗」
二、靜心是 - 告訴孩子，她有選擇：「你今日唔想做都可以呀～下次再做﹗」
三、詢問及好奇她的狀況（甚至提出選擇）：「嗯，這個時刻，你有沒有其他野想跟爸媽一起做？」

以上幾項的方案大致的原則是：
一、父母示範及保持靜心習慣（目的清晰）；
二、接納狀況，肯定孩子當下的狀況及作出有覺知的選擇；
三、初心、好奇、接納，同與孩子同步同頻

這些方案不是金科玉律，也不是一定「湊效」，不過我們相信，堅定地 #以靜心的原則去開展靜心 讓大小朋友都會更「容易」投入靜心的練習哦﹗

文：小喵